ಯಕ್ಷ ಚರಿತ್ರೆ-10

“ಸ್ವರ ಸ್ನೇಹ ಜೀವಿ” ಶ್ರೀ ರಾಘವೇಂದ್ರ ಮಯ್ಯ ಹಾಲಾಡಿಯವರ ಚರಿತ್ರೆ

ತಮ್ಮ ವಿಶಿಷ್ಟ ಗಾಂಭೀರ್ಯಮಯ ಗಾನಶೈಲಿಯಿಂದ ಯಕ್ಷಗಾನ ಸಂಗೀತದ ಕ್ಷೇತ್ರಕ್ಕೆ ಅಮೂಲ್ಯವಾದ ಶ್ರುಂಗಾರಿಕ ಶಾಸ್ತ್ರೀಯ ಪರಿಪೂರ್ಣತೆ ನೀಡಿದ ಮತ್ತು ಯಕ್ಷಗಾನ ರಂಗಭೂಮಿಗೆ ತಮ್ಮ ಗಾಯನದಿಂದಲೇ ಮಾಯಾಜಾಲ ಹೇರಿದ, ರಂಗಧೂಮದಲ್ಲಿ ದಂತಕಥೆಯಂತೆ ಪರಿಗಣಿಸಲ್ಪಡುವ ವಿಶಿಷ್ಟ ಭಾಗವತ ಎಂದೆನಿಸಿಕೊಂಡ ರಾಘವೇಂದ್ರ ಮಯ್ಯ ಹಾಲಾಡಿ.

ಭಾವಪೂರ್ಣವಾಗಿ ಸ್ಪಷ್ಟವಾಗಿ ಉಚ್ಛರಿಸುವ ಧ್ವನಿಯ ಮೂಲಕ ಕಥಾಸಂದರ್ಭಗಳಿಗೆ ಜೀವ ತುಂಬಬಲ್ಲ ಶ್ರುಂಗಾರ, ಭಕ್ತಿ, ಶೌರ್ಯ ಮುಂತಾದ ವಿಭಿನ್ನ ರಾಗಗಳಲ್ಲಿ ಅವರ ಹಿಡಿತ ಅದ್ಭುತ. ತಮ್ಮ ಸುಶ್ರಾವಣ ಶುದ್ಧಗಂಭೀರ ಕಂಠದಿಂದ ರಂಗಸ್ಥಳಕ್ಕೆ ಪ್ರಾಣಪೂರ್ವಕ ಒತ್ತುವರಿ ನೀಡಬಲ್ಲ ಕಲಾತ್ಮಕತೆಯ ರತ್ನ ಮಯ್ಯರು.

ಉಡುಪಿ ಜಿಲ್ಲೆಯ ಹಾಲಾಡಿ ಗ್ರಾಮದ ನಾಗಪ್ಪ ಮಯ್ಯ ಮತ್ತು ಸರಸ್ವತಿ ಮಯ್ಯ ದಂಪತಿಗಳ ಪುತ್ರರಾಗಿರುವ ರಾಘವೇಂದ್ರ ಮಯ್ಯರವರು 15 ಅಕ್ಟೋಬರ್ 1968ರಂದು ಜನಿಸಿದರು. ಶಾಲಾ ಶಿಕ್ಷಣವನ್ನು ಹತ್ತನೇ ತರಗತಿಯವರೆಗೆ ಮುಗಿಸಿರುವ ಇವರು, ಯಕ್ಷಗಾನ ರಂಗದ ದಿಗ್ಗಜ ದಿ. ಕಾಳಿಂಗ ನಾವಡರವರಿಂದ ಪ್ರಭಾವಿತರಾಗಿ ರಂಗ ಪ್ರವೇಶ ಮಾಡಿದರು.

ಯಕ್ಷಗಾನದ ವಿದ್ಯಾರ್ಥಿಯಾಗಿ ದಿ. ನಾರಣಪ್ಪ ಉಪ್ಪೂರು, ದಾಮೋದರ ಉಪ್ಪೂರು, ಕೆ.ಪಿ. ಹೆಗ್ಡೆ ಮತ್ತು ಸದಾನಂದ ಐತಾಳ್ ಇವರನ್ನು ತಮ್ಮ ಪ್ರಮುಖ ಯಕ್ಷಗಾನ ಗುರುಗಳೆಂದು ಗೌರವದಿಂದ ಸ್ಮರಿಸುತ್ತಾರೆ.

ವೃಂದಾವನ ಸಾರಂಗ, ಚಾಂದ್, ತುಜಾವಂತು, ಮಧ್ಯಮಾವತಿ, ಹಿಂದೋಳ ಇವರು ನೆಚ್ಚಿನ ರಾಗಗಳಾಗಿದ್ದು, ತಮ್ಮ ಗಾನ ಶೈಲಿಗೆ ಸಹಜವಾಗಿ ತಕ್ಕದ್ದು ಎಂದು ಅಭಿಪ್ರಾಯಪಟ್ಟಿದ್ದಾರೆ.

ವಾದ್ಯ ವಿಭಾಗದಲ್ಲಿ ಕೆಮ್ಮಣ್ಣು ಆನಂದ ಹಾಗೂ ರಾಮಕೃಷ್ಣ ಮಂದಾರ್ತಿ ಇವರಿಗೆ ಅತ್ಯಂತ ಪ್ರೀತಿಯ ಚೆಂಡೆ ವಾದಕರು. ಮದ್ದಳೆ ವಾದ್ಯದಲ್ಲಿ ಗೋಪಾಲ ರಾಯರು (ಹಿರಿಯಡ್ಕ), ಹುಂಚದಕಟ್ಟೆ ಶ್ರೀನಿವಾಸ ರಾವ್, ದುರ್ಗಪ್ಪ ಗುಡಿಗಾರ್ ಹಾಗೂ ಶಂಕರ ಭಾಗವತ ಯಲ್ಲಾಪುರ ಇವರ ಶೈಲಿಗೆ ಅಪಾರ ಮೆಚ್ಚುಗೆ ಹೊಂದಿದ್ದಾರೆ.

ಭಾಗವತಿಕೆಯಲ್ಲಿ ತಮ್ಮ ಕಲಾಪಥವನ್ನು ರೂಪಿಸುವಲ್ಲಿ ನಾರಣಪ್ಪ ಉಪ್ಪೂರು, ಕಾಳಿಂಗ ನಾವಡ, ನರಸಿಂಹ ದಾಸ್ ಹಾಗೂ ತೆಂಕುತಿಟ್ಟಿನಲ್ಲಿ ದಾಮೋದರ ಮಂಡೇಚ ಇವರು ತಮ್ಮ ಪ್ರೇರಣಾ ಮೂಲಗಳು. ಪೌರಾಣಿಕ ಪ್ರಸಂಗಗಳು ಅವರ ಮನಸ್ಸಿಗೆ ಹತ್ತಿರವಾಗಿದ್ದು, ಈಶ್ವರೋಪಾಸನೆಯ ಜೊತೆಗೆ ಸಂಸ್ಕೃತಿಯ ಪ್ರಬಲ ಅಭಿವ್ಯಕ್ತಿಯಂತಾಗಿ ಅವರಿಗಿಂದು ಪ್ರೀತಿಯ ವಿಷಯವಾಗಿದೆ.

ಯಕ್ಷಗಾನದ ಇಂದಿನ ಸ್ಥಿತಿ ಹಾಗೂ ಪ್ರೇಕ್ಷಕರ ಕುರಿತು:- ಯಕ್ಷಗಾನದ ದಿಕ್ಕು ಇಂದು ಬದಲಾವಣೆ ಹೊಂದಿದೆ, ಆದರೆ ಅದರ ಮೂಲ ಸ್ವರೂಪವನ್ನು ಎಂದಿಗೂ ಕಳೆದುಕೊಳ್ಳಬಾರದು ಎಂದು ತಮ್ಮ ಅಭಿಪ್ರಾಯವನ್ನು ವ್ಯಕ್ತಪಡಿಸಿದ್ದಾರೆ.

ಇಂದು ಹೆಚ್ಚಿನ ಯುವಕರು ಯಕ್ಷಗಾನದತ್ತ ಒಲವು ತೋರಿಸುತ್ತಿರುವುದು ಸಂತೋಷದ ಸಂಗತಿ. ಆದರೆ ಪ್ರೇಕ್ಷಕರು ಕಲಾವಿದರೊಡನೆ ಧೈರ್ಯವಾಗಿ ಮಾತಾಡಬೇಕು ಮತ್ತು ತಪ್ಪು-ಒಪ್ಪುಗಳನ್ನು ಸತ್ಯತೆಯಿಂದ ತಿಳಿಸಬೇಕು. ಕಲೆ ಮತ್ತು ಕಲಾವಿದ ಎರಡೂ ಬೆಳೆದು ಮುಂದುವರಿಯಬಹುದು ಎಂದು ಮಯ್ಯರು ಅಭಿಪ್ರಾಯ ವ್ಯಕ್ತಪಡಿಸುತ್ತಾರೆ.

ಇವರಿಗೆ ಜಿಲ್ಲಾ ರಾಜ್ಯೋತ್ಸವ, ಕವಿ ಮುದ್ದಣ, ಕಾಳಿಂಗ ನಾವಡ ಪ್ರಶಸ್ತಿ, ಗುರುನರಸಿಂಹ ಪ್ರಶಸ್ತಿ, ಬೆಳದಿಂಗಳ ಸಮ್ಮೇಳನ ಪ್ರಶಸ್ತಿ ಸೇರಿದಂತೆ ಸಾವಿರಾರು ಪ್ರಶಸ್ತಿ ಹಾಗೂ ಸನ್ಮಾನಗಳು ದೊರೆತಿವೆ.

19.06.2006 ರಂದು ಪಲ್ಲವಿ ಅವರನ್ನು ವಿವಾಹವಾಗಿ ಇಬ್ಬರು ಮಕ್ಕಳಾದ ಧಿಷಣ ಹಾಗೂ ಧನ್ವಿ ಜೊತೆಗೆ ಸುಖಿ ಸಂಸಾರವನ್ನು ನಡೆಸುತ್ತಿದ್ದಾರೆ.

ಇವರು ನಂಬಿರುವ ಕಲಾಮಾತೆ ಹಾಗೂ ಮಂದಾರ್ತಿ ದುರ್ಗಾಪರಮೇಶ್ವರಿ ಅಮ್ಮನವರು, ಇವರಿಗೆ ಕಲಾಕ್ಷೇತ್ರದಲ್ಲಿ ಇನ್ನಷ್ಟು ಶಕ್ತಿ, ಸದ್ಬುದ್ಧಿ ಹಾಗೂ ಸೃಜನಶೀಲತೆ ಕರುಣಿಸಲಿ ಎಂದು ಹೃತ್ಪೂರ್ವಕವಾಗಿ ಪ್ರಾರ್ಥಿಸುತ್ತೇವೆ. ಅವರ ಕಲಾಯಾತ್ರೆ ಬೆಳಗಲಿ, ಯಶಸ್ವಿಯಾಗಲಿ ಎಂಬುದು ಎಲ್ಲ ಕಲಾಸಕ್ತರ ಹಾರೈಕೆ. ಕಲಾಮಾತೆ ಅವರ ಬದುಕಿಗೆ ಸಕಲ ಮಂಗಳಗಳು, ಆಯುರಾರೋಗ್ಯ, ಶ್ರೀ, ಧೃತಿ, ಕೀರ್ತಿ ಹಾಗೂ ಕಲಾ ಪುಣ್ಯವನ್ನು ಪರಿಪೂರ್ಣವಾಗಿ ನೀಡಲಿ ಎಂಬುದೇ ನಮ್ಮ ಸದಾಶಯ.

• Instagram
• WhatsApp
• YouTube
• Facebook